إنزلي

طريقة اللعب

كل اللي تحتاجون تعرفونه

فريقين، شاشة وحدة، وحكم يدير اللعبة من جواله. خمس دقايق قراءة وتصيرون جاهزين.

التجهيز

  1. 1افتح إنزلي من متصفح التلفزيون أو اللابتوب، وسجّل دخول.
  2. 2اضغط «جولة جديدة»، واكتب أسماء الفريقين، واختار 6 فئات. الجولة تمشي عليها بالترتيب مرتين، يعني 12 سؤال.
  3. 3اختار مؤقت الدور (15 أو 30 أو 45 ثانية)، ووسائل المساعدة لكل فريق.
  4. 4الشاشة تطلع باركود: الحكم يمسحه من جواله، وجواله يصير لوحة التحكم.
  5. 5الحكم يضغط «ابدأ»، وهني بس تنخصم الجولة من رصيدك.

الدور والمؤقت

  • الدور يتبدل بين الفريقين بعد كل محاولة، صح أو غلط.
  • الفريق اللي يبدأ يتبدل مع كل سؤال.
  • إذا خلص الوقت ينتقل الدور بدون خصم، والحكم يقدر يوقف الوقت ويرجّعه.
  • بسؤال القائمة كل فريق له غلطتين (الغلط والفخ وخلصان الوقت). اللي يخلّص غلطاته يوقف، والثاني يكمل لحاله لين يخلّص غلطاته، وبعدها الحكم يكشف الأجوبة الباقية.
  • ولسؤال القائمة وقت كامل، إذا خلص الحكم يكشف الأجوبة الباقية.

أنواع الأسئلة

  • قائمة

    سؤال له لين عشر أجوبة، ولكل جواب نقاط حسب صعوبته. الفريقين يتناوبون، وكل جواب صح يكشفه الحكم ياخذ نقاطه الفريق اللي عليه الدور.

  • صورة، صوت، فيديو

    جواب واحد. الفريق اللي عليه الدور يجاوب، وإذا غلط الفريق الثاني ياخذ محاولة «سرقة» بنفس النقاط. الصوت والفيديو يطلعون من الشاشة، والمؤقت يبدأ بعد ما يخلص المقطع.

  • منو أنا؟

    لين خمس تلميحات تنكشف وحدة وحدة من الأصعب للأسهل. كل ما عرفتوه بدري كسبتوا أكثر، والتخمين الغلط ما فيه خصم.

النقاط

نقاط كل جواب حسب صعوبته:

سهل
200
متوسط
400
صعب
600
نادر
1000

منو أنا؟: من 1000 نقطة على أول تلميح، وتنزل مع كل تلميح.

الفخاخ

بعض الأسئلة فيها أجوبة قريبة بس غلط. اللي يطيح فيها ينخصم منه، والنقاط ممكن تنزل تحت الصفر.

وسائل المساعدة

كل فريق يختار لين 3 وسائل قبل الجولة، وكل وحدة تنستخدم مرة وحدة، والحكم هو اللي يفعّلها من جواله.

  • تلميح

    يطلع تلميح لجواب مخفي على الشاشة.

  • جوابين

    الفريق يجاوب مرتين بنفس الدور.

  • تحدّي

    ترمون الدور على الخصم: إذا جاوب صح ياخذ النقاط ×2، وإذا غلط ينخصم منه 500.

  • وقف الوقت

    يوقف المؤقت لهالدور.

  • استعانة بصديق

    30 ثانية زيادة عشان تتصلون بأحد.

أدوات الحكم

  • يشوف كل الأجوبة بجواله، والشاشة ما تعرض إلا اللي انكشف.
  • يكشف الجواب ويعطيه للفريق اللي عليه الدور، ويسجّل الفخ أو «غلط».
  • يعدّل النقاط يدوياً، ويوقف المؤقت، ويتراجع عن آخر خطوة إذا غلط بالضغط.

نهاية الجولة

  • الفائز صاحب أعلى نقاط، وتطلع بطاقة نتيجة تشاركونها.
  • إذا تعادلتوا، الجولة تنتهي تعادل، وتقدرون تحسمونها بجولة جديدة بنفس الأسماء.
  • انقطع النت؟ افتحوا نفس الرابط والجولة تكمل من نفس المكان.

جاهزين؟

أول جولة علينا بعد التسجيل.